Opsiynau Cynhaliaeth Plant
Gwasanaeth yn cynnig gwybodaeth ddiduedd a chymorth yw Opsiynau Cynhaliaeth Plant. Mae'r Comisiwn yn cynnig y gwasanaeth hwn i helpu rhieni ddeall yr opsiynau sydd ar gael ar gyfer trefnu cynhaliaeth plant. Anelwn i sicrhau bod pob rhiant yn teimlo bod ganddynt ddigon o wybodaeth i wneud penderfyniad ynglŷn â chynhaliaeth plant i weithredu arno.
Mae'r gwasanaeth a ddatblygwyd gyda chyfraniadau gan fudd-ddeiliaid, ar gael i warcheidwaid, perthnasau, ffrindiau a gweithwyr proffesiynol cynhaliaeth plant, a gellir ei ddefnyddio'n anhysbys yng Nghymru, Lloegr a'r Alban.
Darperir gwybodaeth ddiduedd gan Opsiynau Cynhaliaeth Plant drwy linell gymorth cenedlaethol, gwefan a gwasanaeth wyneb yn wyneb i'r sawl sydd mewn angen cael help a chefnogaeth fwy personol
Mae Opsiynau Cynhaliaeth Plant hefyd yn darparu gwybodaeth a chefnogaeth ar faterion eraill y gall rhieni eu hwynebu wrth wneud trefniadau cynhaliaeth, fel pryderon am eu cartref, materion cyfreithiol neu ariannol. Gall y gwasanaeth hwn gyfeirio pobl at gyrff sy'n darparu cyngor a chymorth arbenigol.
Mae'r Comisiwn wedi bod yn gweithio'n agos gyda nifer o gyrff i ddatblygur gwasanaeth Opsiynau Cynhaliaeth Plant. Maer rhain yn cynnwys y Centre for Separated Families, One Parent Families/Gingerbread a Families Need Fathers. Gall cwsmeriaid sydd ag ymholiadau ehangach na chynhaliaeth plant gael eu cyfeirio at gyrff fel Relate, Canolfannau Cyngor ar Bopeth, Community Legal Action and Refuge.